RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Etnahrafija
Kantekstny tłumačalny słoŭnik
Viciebskija ručniki
Tradycyjnyja tkanyja ručniki, jakija vyrablałi narodnyja majstry viosak Šarkoŭščynskaha, Mijorskaha, Brasłaŭskaha, Viciebskaha r-naŭ. Viadomy z 19 st. Daŭžynia 120 - 300 sm, šyrynia 23 - 30 sm. Tkuć z adbielenaha kužalu abo biełaj bavoŭny. Azdablałi na kancach karunkami, mochrykami. Uzor stvarajecca vykładanniem čyrvonych, čornych, błakitnych, žoŭtych nitak bavoŭny (vybarnaje tkactva), što nahadvaje vyšyŭku pa hatovaj tkaninie.
 
U arnamientycy pašyrany rasłinnyja (dreva žyccia, vazony, bukiety kvietak, parastki), hieamietryčnyja (romb, kryžyk, zorki - palmietki), antrapamorfnyja i zaamorfnyja (vyjavy ludziej, ptušak) matyvy. Rasłinny, zaamorfny i antrapamorfny arnamient zvyčajna nie maje rytmičnaha paŭtoru, adzinkavaja vyjava dajecca bujnym płanam amal na ŭsiu šyryniu ručnika. Ułascivyja V. r. siužetnasć arnamientalnych kampazicyj, pałichromnasć kałarystyčnaj hamy, pieravaha biełaha fonu ŭ miescach razmiaščennia dekoru nazirajucca taksama ŭ afarmlenni nar. adziennia, roznych vidaŭ mastackich tkanin hetaj etnahr. zony. Lepšyja ŭzory ručnikoŭ zbierahajucca ŭ muziejach, ekspanujucca na vystaŭkach nar. tvorčasci.
Віцебскі ручнік. Шаркоўшчынскі раён.
Віцебскі ручнік. Шаркоўшчынскі раён.
Віцебскі ручнік. Міёрскі раён.
Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл.
2009–2020. Biełaruś, Miensk.