 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
|
Vianok1
|
Upryhožannie z kvietak, zielaniny, stužak, papiery, pierja i inš. u formie kružka, jaki nadziavałi na hałavu. Pavodle sposabaŭ vyrabu i azdablennia V. padzialajucca na 4 vidy. Vity V. z palavych kvietak (aduvančyk, vałoška, ramonak), barvienku, ruty nasiłi dziaŭčaty letam. Taki V. byŭ nieabchodnym atrybutam tradycyjnych abradaŭ, u t. ł. viasiełla, kupałla, kusta, a taksama dažynak, na jaki plałi V. z kałasoŭ zbažyny i kvietak. Pašyrany pa ŭsioj Biełarusi. V. - abručyk rabiłi z łazy, hałinak dreva i abhortvałi roznakolernaj tkaninaj ci papieraj; azdablałi zielaninaj, štučnymi kvietkami, vaskovymi jahadkami; zzadu pryviazvałi roznakolernyja stužki, tasiomki. Viadomy najbolš u Bresckim Palessi. V. na karkasie vyrablałi z łubu, biarosty, kardonu, nakštałt sita biez dna (vyšynioj 10 - 16 sm) i abciahvałi tkaninaj. Zvonku abšyvałi akraŭkami kalarovaj materyi, papiarovymi kvietkami, farbavanym pierjem, šklanymi pacierkami; zzadu da vierchniaha kraju macavałi puk strakatych stužak i piarestyja pałosy tkaniny (daŭžynioj kala 90 sm). Vykarystoŭvałi jak viasielny ŭbor u Zach. Palessi, Padniaproŭi. V.-šapačku rabiłi z hnutkich dubčykaŭ, jakija pieraplatałi, kab zakryć vierch. Vonkavuju pavierchniu vysciłałi štučnymi kvietkami abo farbavanym u zialony koler pierjem. Bytavałi ŭ Pinskim Palessi. Asabłivaj raznastajnasciu i bahacciem azdablennia vyznačałisia V. na Palessi i ŭ Padniaproŭi. V. nadavaŭ postaci sviatočny, uračysty vyhlad. U viasielnym abradzie byŭ simvałam dziavočaj čyscini; jak ubor niaviesty sustrakajecca ŭ sučasnym viasiełłi.
|
|
Віты вянок. Кобрынскі раён.
|
|
|
|
Вянок на каркасе. Жыткавіцкі раён.
|
|
|
|
Вянок-шапачка. Драгічынскі раён.
|
|
|
|
Вянок-абручык. Магілёўшчына.
|
|
|
|
|
Krynica:
Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575
с.: іл.
|
|
|
2009–2020. Biełaruś, Miensk.
|
|
|
