RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Etnahrafija
Kantekstny tłumačalny słoŭnik
Harščok
Hančarny vyrab; hłinianaja pasudzina dla hatavannia haračaj stravy, zachavannia sypkich rečyvaŭ i inš. Nazva “H.” pachodzić ad staražytnaruskaj “harniecъ”. Jaho forma dobra prystasavana dla chutkaha i raŭnamiernaha nahravannia ŭ napalenaj piečy: kruhły z pukatymi bakami, zvužanym płoskim dnom i vusciem, abkružanym viencam (niaredka z nakryŭkaj i 1-2 ručkami dla zručnasci karystannia). Dia bolšaj tryvałasci H. časam aplatałi drotam. Vyrablałi z farmovačnaj masy pavyšanaj vohnietryvałasci z damieškam žarstvy, piasku, a pasla abpalvannia hartavałi ŭ abvary. Byłi pašyrany taksama čornazadymlenyja i pałivanyja H. Dekor strymany abo zusim adsutničaŭ. Azdablałi zvyčajna hlancavanym i pračerčanym pa syroj pavierchni hieamietryčnym arnamientam, radziej anhobnaj razmaloŭkaj. Pamiery H. samyja roznyja – ad 0,5 ł da 10-15 ł (na Prypiackim Palessi viadomy viałikija H. – na 1-1,5 i da 2,5 pudoŭ žyta). U maleńkich H. paryłi małako, varyłi dzieciam kašu, zavarvałi lekavyja rasłiny. U pasudzinach siarednich pamieraŭ hatavałi ježu na ŭsiu siamju, u viałikich – studzień, korm dla žyvioły, časam vyvarvałi białiznu i inš. Miascovyja nazvy H. vielmi raznastajnyja i zviazany zvyčajna z abaznačenniem jomistasci ŭ hančarnaj sistemie mier (mamzel, paŭzłivač i inš.) z pamierami (harnušak), asabłivasciami bytavoha pryznačennia (abiednik, adleŭnik, varejka, pituška) i inš. Dva ci try zmacavanyja ručkaj H., u jakich brałi ježu ŭ pole, nazyvałi sparyšami. U naš čas bytujuć H. nieviałikich i siarednich pamieraŭ. Najbolš pašyrany ŭ vioskach; u horadzie ŭžyvajucca dla hatavannia nacyjanalnych straŭ.
Гаршкі.
Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл.
2009–2020. Biełaruś, Miensk.