RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Etnahrafija
Kantekstny tłumačalny słoŭnik
Dziasninskaja kultura
Archieałahičnaja kultura miezałityčnych (8 – 5-je tysiačahoddzi da n. e.) i nieałityčnych (2-ja pał. 4-ha – 3-je tysiačahoddzie da n. e.) plamion, jakija žyłi ŭ basiejnie Dziasny i na U Pasožža. Nasielnictva zajmałasia palavanniem i rybałoŭstvam. Pasiełiščy składałisia z niekalkich žytłaŭ, razmiaščałisia na uzvyšanych učastkach račnych teras, časam na mysach i piasčanych uzhorkach płoščaju 300-600 kv. m. Žytły draŭlanyja, naziemnyja albo ledź zahłyblenyja ŭ ziamlu, avalnaj albo pramavuholnaj formy płoščaj 10 – 20 kv. m zvyčajna razmiaščałisia łancužkom za 5 – 10 m adno ad adnaho. Ahniščy razmiaščałisia ŭ centry žytła na padłozie abo ŭ spiecyjalna vykapanym pahłyblenni kruhłaj formy. Pobač z žytłami byłi haspadarčyja jamy i miescy apracoŭki kremieniu i vyrabu kieramičnaha posudu. Nasielnictva vyrablała hrubyja hłinianyja harški jajcapadobnaj formy, jakija ŭpryhožvałisia hłybokimi kruhłymi, avalnymi abo rombapadobnymi jamkami pa ŭsioj pavierchni, pajasami, pazniej – zonami (romby, trochvuholniki). Jamki adciskałisia ŭ šachmatnym paradku, adnastajnasć uzoraŭ parušałasia časam pajaskami hrabieńčatych bujnazubčatych adbitkaŭ. Na poznim etapie pad upłyvam vierchniedniaproŭskaj kultury arnamientacyja jamkavych adbitkaŭ stała bolš raznastajnaj. Vykarystannie adstupajučaj łapatki, adciskannie kancom pałački, abmatanaj šnurkom, stvarała składanyja hieamietryčnyja arnamienty – da 10 arnamientalnych sistem.
Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл.
2009–2020. Biełaruś, Miensk.