RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Etnahrafija Kantekstny tłumačalny słoŭnik Zakot1 Archaičnaja kanstrukcyja strachi sialanskaj chaty i haspadarčych pabudoŭ. Biarviony tarcovych scien (u niekatorych miascovasciach nazyvajucca lemiahi). Vyšej ačepu pastupova ŭkaročvałisia, ščyt nabyvaŭ vyhlad stupieńčataha trochvuholnika. Na vystupach macavałisia svołaki, jakija słužyłi asnovaj strachi. Na ich z dapamohaj kakošyn kłałi pakryccio z došak; sałamianaje i hontavaje pakryccio patrabavała dadatkovych łat. Forma strachi dvuchschilnaja, na Palessi ŭ humnach centryčnaj kampazicyi sustrakałasia šatrovaja. Viadoma niekalki kanstrukcyjnych vyrašenniaŭ Z. Sucelny. Z. utvaraŭsia, kałi kožnamu biervianu ščyta adpaviadaŭ svołak, razredžany – kolkasć svołakaŭ na schiłach strachi zmianšałasia da 1 – 3 (akramia kańkovaha svołaka), panižany – zaŭsiody razredžany i składajecca z 3 – 5 svołakaŭ, urublenych pa duzie ŭ siaredzinu ščyta. Na Pn. Biełarusi i U Biełarusi, dzie panižany Z. najb. Pašyrany, budaŭniki mahłi ŭzmacianiać jaho mastackuju vyraznasć, dziela čaho biarviony dla kožnaha čarhovaha vianka miełi mienšy dyjamietr, što zrokava paviałičyła pamiery budynka. Adnačasova padaŭžałisia kansołi svołakaŭ, uzbahačajučy siłuet budynka i stvarajučy nadziejnuju achovu tarcovych scien ad daždžu. Sustrakajecca Z. u chatach (Paazierje, Padniaproŭje, Usch. Palessie), kleciach (pa ŭsioj Biełarusi, akramia Pd Palessia), zredku ŭ humnach (Paazierje, Padniaproŭje, Usch. Palessie), puniach (Padniaproŭje). Zvyčajna Z. rabiŭsia z biarviennia, tolki ŭ kleciach Paniamonnia i na Z Paazierja vykarystoŭvałi brusy. Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл. 2009–2020. Biełaruś, Miensk.