|
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
Kamajedzica
|
Staradaŭniaje sviata, jakoje spraŭlałi ŭ pačatku viasny, kałi zakančvałasia spiačka miadzviedzia i jon vyłaziŭ z biarłohi. Josć sviedčannie, što ŭ 19 st. jano adbyvałasia ŭ sakaviku pierad chryscijanskim sviatam błahavieščannia. Na K. hatavałi i jełi harochavuju kašu – t. zv. Kamy (adsiul nazva), sušany repnik, aŭsiany kisiel. Hetyja stravy łičyłisia lubimaj ježaj miadzviedzia i byłi abradavymi stravami sviatočnaha abiedu, pasla jakoha sialanie kłałisia na pałaci i pieravaročvałisia z boku na bok, imitujučy zviački miadzviedzia. Sviata K. dachryscijanskaha pachodžannia. Jaho vytoki zviazany z tatemizmam. K. – vodhałas pakłaniennia miadzviedziu, jaho šanavannia. Abradavymi dziejanniami imknułisia ŭłahodzić, zadobryć zviera. Sviata K. zafiksavana na Biahomlščynie, dzie byłi viał. Lasy, u jakich viałosia mnoha miadzviedziaŭ, i jany časam škodziłi svojskaj žyviole, vykłikałi strach u ludziej. U 19 st. sviata straciła raniejšy sens, stała tradycyjnaj zabavaj. U apošniaj čverci 19 st. jano zusim znikła z pobytu.
|
|
|
Krynica:
Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575
с.: іл.
|
|
2009–2020. Biełaruś, Miensk.
|
|
|