RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Etnahrafija Kantekstny tłumačalny słoŭnik Krokvy Apornyja elemienty karkasnaj kanstrukcyi strachi. Robiacca z tonkich biarvion, zaŭsiody staviacca parami, u vilčyku złučajucca ŭrubkaj i teblem. Pasiaredzinie, a časciej krychu vyšej, para K. złučajecca brusam (“pojasam”). U adzinuju kanstrukcyju K. abjadnoŭvajucca łatami, jakija prybivajucca teblami, cvikami (daŭniej pryviazvałisia łazoj). Isnuje niekalki sposabaŭ urubki K.: u vierchni vianok zruba (ačep), u vierchni vianok i zakocvinu, u padoŭžny brus, pakładzieny na zasciennyja i ŭ zasciennyja vystupy papiaročnych belek. Najbolš daskanałaja kanstrukcyja strachi z aporaj K. niepasredna na belki pašyrałasia ŭ sialanskim budaŭnictvie z pač. 20 st. Taki sposab macavannia nižnich kancoŭ K. dazvalaje stvarać prasciejšyja fiermy, u jakich usia siła rasporu ŭsprymajecca belkaj. U sučasnym budaŭnictvie robiać strechi na K. z industryjalnych elemientaŭ. Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл. 2009–2020. Biełaruś, Miensk.