|
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
Krosny1
|
Tkacki stan z navitaj asnovaj dla tkannia ŭ chatnich umovach. Najbolš važnyja častki i prystasavanni pašyranych na Biełarusi haryzantalnych K.: stavy (aporny karkas), na jakich macavałisia navoi (dla asnovy i tkaniny); nity, u jakija nakidałasia asnova; biorda z nabiłicami dla prybivannia ŭtku; panažy, kaciołki dla pryviadziennia ŭ ruch nitoŭ i ŭtvarennia zieva pry tkanni. Pačynałi naładku K. z navivannia padrychtavanaj asnovy . Rasplatajučy asnovu, jaje pastajanna časałi draŭlanym hrebniem (dla raŭnamiernaha razmierkavannia) i, naciahvajučy, nakručvałi na navoj. Dla ŭtvarennia zieva ŭ asnovu prapuskałi 2 vuzkija (2-3 sm) “čynoŭnyja” doščački, jakija pierasoŭvałi pa miery nakručvannia asnovy. Nastupny etap – nakidannie asnovy ŭ nity. Paradak prapuskannia asnovy ŭ nity i ich kolkasć zaležałi ad uzoru budučaj tkaniny (kolkasć nitoŭ vahałasia ad 2 da 16 i bolš). Asnovu prapuskałi ŭ biodra, zviazvałi pa niekalki nitak razam, pradziavałi prutočak i zamacoŭvałi jaho na navoi. Nity złučałi z panažami. Naładka K. i tkannie łičyłisia žanočaj spravaj. Na K. vyrablałi raznastajnyja tkaniny ad 2-nitovaha pałatna da šmatnitovych i pierabiranych uzorystych ručnikoŭ, abrusaŭ, posciłak i inš.
|
|
|
Krynica:
Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575
с.: іл.
|
|
2009–2020. Biełaruś, Miensk.
|
|
|