RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Etnahrafija Kantekstny tłumačalny słoŭnik Kresiva   (Красала) Mietałičnaja pryłada dla vysiakannia ahniu z kremieniu. Viadoma z epochi žaleznaha vieku. Na ter. Biełarusi najb. Staražytnaje K. datujecca poznim etapam zarubinieckaj kultury (2 – 5 st. n. e.). Jano zroblena z nieraŭnamierna navuhlarodžanaha mietału z nastupnaj termaapracoŭkaj (hartavanniem). Vykarystoŭvałisia roznyja typy K.: łirapadobnyja (10 – 12 st.), dvuchlazovyja padoŭžana – avalnaj formy (12 – 13 st.) i dvuchlazovyja avalnyja (13 – 14 st.). K. bytavała na praciahu mnohich stahoddziaŭ. Vysiečanaja z kremieniu iskra padpalvała ceru (miakkuju, pušystuju, nakštałt vaty, masu z vyvaranaha, vymačanaha i vysušanaha dreŭnaha hryba). Kremień, K., ceru zvyčajna nasiłi z levaha boku pojasa ŭ mahalejkach – admysłovych skuranych kapšukach. Sa zjaŭlenniem u 19 st. zapałak sfiera bytavannia K., pačała zvužacca, spačatku – u horadzie, zatym na siale, dzie peŭny čas sialanie vyrablałi zapałki samatužnym sposabam. U pieryjad niam. – faš. Akupacyi biełarusam daviałosia znoŭ viarnucca da zdabyvannia ahniu K. Im karystałisia i partyzany. Vyrablałi K. miascovyja kavałi sa starych napilnikaŭ i inš. Utylnych stalnych vyrabaŭ. Zamiest cery ŭžyvałi lampavy knot ci skručanuju tkaninu, zapraŭlenuju ŭ blašanuju trubku. Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл. 2009–2020. Biełaruś, Miensk.