RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Etnahrafija
Kantekstny tłumačalny słoŭnik
Kubak1
Sviatočny hałaŭny ŭbor dziaŭčat u niehlubskim stroi 19 – siaredziny 20 st. Hranionaja abo častkova skruhlenaja na patyłicy karona – karobačka vyš. 11 – 12 sm, jakuju nadziavałi pavierch vałasoŭ, zaplecienych u adnu kasu. Karobačku (karkas) rabiłi z łubu, papiery i abšyvałi tkaninaj. Azdablałi K. paskam biełych karunkaŭ, hładkafarbavanymi čyrvonymi, zialonymi, aranžavymi, sinimi stužkami (kožnaja stužka vystupała adna z-pad adnoj na 3 – 5 mm). Pa nižnim krai našyvałi samuju pryhožuju, zatkanuju roznakalarovymi drobnymi kvietačkami, łiscikami na fijaletavym fonie stužka – “cviatoŭku”, jakaja svajoj pryhažosciu vyłučałasia ŭ ahulnaj kampazicyi. Kolkasć stužak dachodziła da 25. Zzadu stužki sšyvałi, svabodnyja kancy ich pakidałi daŭžynioj na 1m. Na U Mahiloŭščyny i Homielščyny K. viadomy taksama jak viasielny hałaŭny ŭbor maładoj.
Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл.
2009–2020. Biełaruś, Miensk.