RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Etnahrafija Kantekstny tłumačalny słoŭnik Kureń Zbudavannie dla adpačynku rybakoŭ, lesarubaŭ, jakija viałi promysieł na značnaj adlehłasci ad miesca žycharstva i zatrymłivałisia tam praciahły čas. U im zachoŭvałi pradukty charčavannia, zapasnoje adziennie. Rybaki budavałi K. na ŭzvyšanych bierahach niepadaloku ad vady. Na soški, ukapanyja ŭ ziamlu, kłałi žerdki. Pa pierymietry ŭtvoranaha karkasa prystaŭlałi ŭščylnuju adna da adnoj draŭlanyja płaški, kałki, jakija pakryvałi sienam i abkładvałi dziornam. Formaj K. nahadvałi piramidu abo konus. U K. było 2 prajomy: adzin zboku, słužyŭ uvachodam (pry nieabchodnasci zakryvaŭsia płaškami), druhi ŭviersie, dla vychadu dymu. Vohnišča pasiaredzinie K. abmiažoŭvałasia kvadratam, abkładzienym najčasciej kamienniem. Na ziamłi kala scien rabiłi nasciły, na jakich adpačyvałi. Pobač z K. rybaki viałiłi na žerdkach rybu, padviešanuju da žerdak; u vadzie znachodziłisia skryni dla žyvoj ryby (časam jaje trymałi i ŭ nieviałikich aziarynach). Padobnyja K. budavałi taksama palaŭničyja, sialanie, što kasiłi siena na addalenych ad domu sienažaciach. Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл. 2009–2020. Biełaruś, Miensk.