RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Etnahrafija
Kantekstny tłumačalny słoŭnik
Łoŭčaja jama
Vykapanaja ŭ ziamłi, pierakrytaja tonkimi žerdkami i zamiskaravanaja imchom i łisciem pastka dla łoŭłi łasioŭ, dzikoŭ, kazul, miadzviedziaŭ, vaŭkoŭ. Viadoma z hłybokaj staražytnasci; kanstrukcyjnaja prastata i univiersalny charaktar abumoviłi jaje isnavannie da 20 st. Ł. ja. – pieršaja i adzinaja pastka, zasnavanaja na vykarystanni ciažaru samoj žyvioły. Kapałi jamy na zviarynych pierachodach šmatkiłamietrovych žardzianych płatoŭ (natknuŭšysia na taki płot, zvier išoŭ uzdoŭž jaho, zbočvaŭ u pieršy prachod i traplaŭ u Ł. ja.). U miascovasciach z miakkim i sypkim hruntam Ł. ja. abšyvałi płaškami, toŭstymi doškami (tarčycami), žerdkami abo zabivałi ŭ centry hładki, zavostrany zvierchu dubovy koł. Drapiežnikaŭ pryvabłivałi miasam. Pavodle zviestak A. M. Siemiantoŭskaha (Palaŭnictva i zviarynyja promysły ŭ Viciebskaj hubierni. Spb., 1863. S. 16 – 17), u 1860 u Połackim pav. Z dapamohaj Ł. ja. było złoŭlena šmat łasioŭ. Asobnyja vypadki łoŭłi zviaroŭ z dapamohaj Ł. ja. zafiksavany ŭ 1920-ja h. ŭ Asipovickim r-nie.
Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл.
2009–2020. Biełaruś, Miensk.