RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Etnahrafija Kantekstny tłumačalny słoŭnik Miała   (Мялка2) Pryłada (stanok) dla miaccia syramiatnaj skury. Najbolš staražytny typ M. – 2 kały daŭžynioju da 4 m i hruz (koła, kałodka, žoran). Skuru razrazałi na pałosy šyrynioju kala 30 sm i sšyvałi ŭ kolcapadobny pas daŭžynioju da 5 m, pierakidvałi jaho cieraz pierakładzinu, a ŭnizie macavałi hruz. Inšy raz pałosy sšyvałi razam pa kancach, adzin kaniec pryviazvałi viaroŭkaj da belki, a da druhoha čaplałi hruz. Pracavałi zvyčajna 5 mužčyn: 4 čał. prasoŭvałi pamiž pałosami skury nakryž kały (žerdki), 5-y raskručvaŭ hruz, pakul skura nie zvivałasia ŭ viaroŭku. Kałi hruz padymaŭsia ŭhoru, rabočyja naciskałi kały ŭniz. Kałi hruz kruciŭsia ŭ advarotny bok, kały chutka padymałi da pierakładziny. Praces miaccia (viarčennia) syramiaci doŭžyŭsia 12 – 16 hadzin z pierapynkami prykładna praz kožnyja 3 hadziny dla tłuščennia (zmazvannia dziohciem) skury. Inšy raz miaccio ažycciaŭlałi 3 čał. z dapamohaj adnaho kała. Druhi typ M. vykarystoŭvaŭsia pieravažna ŭ miastečkach. Jaho sastaŭnyja častki: draŭlany słup, zamacavany ŭ padłozie chaty abo ŭkapany ŭ ziamlu ŭ chlavie, i 2 doški, paralelna nasadžanyja na jaho. Zmazanaja dziohciem skura zamacoŭvałasia kłinam u adtułinie słupa. Dvoje mužčyn kruciłi doški to ŭ adzin, to ŭ druhi bok, skura nakručvałasia na kałki vakoł słupa, rasciahvałasia i zmiakčałasia. Ručnaja praca mahła zamianiacca konnaj ciahaj. Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл. 2009–2020. Biełaruś, Miensk.