RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Etnahrafija Kantekstny tłumačalny słoŭnik Pakryvannie1 Viasielny zvyčaj, zviazany z pakryvanniem niaviesty (u niekatorych vypadkach niaviesty i žanicha) namitkaj, kažuchom, šapkaj abo chustkaj. Mieŭ pieravažna abiarehavaje značennie (ad złoha voka, złych duchaŭ i h. d.). Zaručyŭšy niaviestu i rasploŭšy joj kosy, svajaki maładoha pakryvałi jaje spiecyjalna pryviezienajdla hetaha viałikaj čyrvonaj chustkaj (z hetaha času maładaja łičyłasia prynaležnasciu rodu maładoha). Kałi maładaja nie atrymłivała chustki, to pakryvałasia svajoj, bo, zhodna nar. zvyčajem, pasla zaručyn niaviesta mahła vychozić z chaty tolki z pakrytaj. Jedučy da šlubu, maładaja akramia chustki pakryvałasia kažuchom (abo apranała jaho) niezaležna ad pary hoda. Adpraŭlajučy maładych da baćkoŭ maładoha, chrosnaja maci maładoj pakryvała ich dzviuma namitkami (pazniej chustkami) i zviazvała čyrvonym pojasam. Za heta małady adorvaŭ jaje (Bresc. paviet). U Mazyrskim pav. pasla zavivannia maładoj, jakoje adbyvałasia ŭ jaje domie, zavivalnica zviazvała maładych pojasam, jaki lažaŭ kala karavaja, i pakryvała ich namitkaj. Raniej pierad P. jana zdymała z hałavy maładoha šapku i nadziavała jaje na maładuju, a jaho hałavu pakryvała šapkaj, zniataj z siabie. U Minskim paviecie maładych sadžałi pobač pad pałicaj nasuprać piečy, a siastra maładoj pakryvała ich biełym pałatnom. U hety momant žančyny adrazu akružałi ich ščylnaj scianoj, pryŭzdymałi kaniec pakryvała z boku maładoj, zavivałi jaje i chutka nadziavałi joj namitku (bačyć mužčynam adkrytuju hałavu zamužniaj žančyny łičyłasia nieprystojnym). Potym baćka maładoha zdymaŭ pakryvała nieviałikim chlebam. U niekatorych miascovasciach pasla zavivannia maładuju pakryvałi namitkaj, jakuju małady pavinien byŭ zniać, pacałavać maładuju i padniać jaje z dziažy. Pasla hetaha ich staviłi pobač, pakryvałi hetaj ža namitkaj i viałi ŭ chatu, dzie jany ŭ takim vyhladzie kłaniałisia prysutnym, zdymałi z siabie pakryvała i kłałi jaho na hałovy baćkoŭ. Akramia P. maładoj viałikaje značennie mieła i jaje ŭskryvannie, jakoje zvyčajna adbyvałasia ŭ chacie maładoha: sustreŭšy niaviestu pieršy raz, pakryvała z jaje zdymała sviakroŭ, a pasla viartannia z kleci jaje pakryvała zdymaŭ pałkaj abo smyčkom sviokar. Za heta maładaja adorvała jaho kavałkam pałatna (ručnikom) i abviazvała pojasam. Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл. 2009–2020. Biełaruś, Miensk.