RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Etnahrafija Kantekstny tłumačalny słoŭnik Paleskaja kieramika Hančarnyja vyraby majstroŭ Zachodniaha i Uschodniaha Palessia. U 2-j pał. 19 – pač. 20 st. hančarny promysieł isnavaŭ prykładna ŭ 10 centrach, siarod jakich vyłučałisia h. Pružany i v. Haradnaja Stołinskaha r-na (u kožnym z ich pracavała zvyš 200 majstroŭ). Z raznastajnaj pa sastavu farmovačnaj masy, jakuju rychtavałi z adnaho (z damieškam piasku dla piačnoha posudu) ci dvuch-troch roznych hatunkaŭ hłiny, vyrablałi čornazadymlenuju i niepałivanuju biełuju, a z pač. 20 st. pałivanuju kieramiku. Dla asartymientu P. k. charakterny ahulnaviadomyja na ŭsioj Biełarusi vyraby haspadarčaha (u mienšaj stupieni utyłitarna-dekaratyŭnaha) pryznačennia. Ich farmavałi na načnym hančarnym kruzie ŭ technicy vyciahvannia, jakuju časam spałučałi z nalepam; abpalvałi ŭ hornie. Admietnyja rysy P. k. – hlancavany dekor u čornazadymlenych i anhobnaja razmaloŭka čyrvonaha koleru ŭ biełahłinianych vyrabach, 1 – 2 vuški ŭ piačnoha posudu, akruhłasć (šarapadobnasć) harškoŭ i inš. vyrabaŭ. Najbolš vyrazna paleskija tradycyi vyjaviłisia ŭ haradnianskaj, pahost-zaharodskaj, pružanskaj i ružanskaj kieramicy. Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл. 2009–2020. Biełaruś, Miensk.