RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Etnahrafija
Kantekstny tłumačalny słoŭnik
Pisanki
 
(Крашанкі, Маляванкі)
Razmalavanyja roznymi ŭzorami kurynyja jajki. U pobycie biełarusaŭ i inš. jeŭrapiejskich narodaŭ viadomyja zdaŭna. U dachryscijanski pieryjad byłi zviazany z viesnavymi sviatami, simvałizavałi abudžennie pryrody, jaje pładavitasć i žycciovasć; z pryniacciem chryscijanstva ŭvajšłi ŭ abrad sviatkavannia viałikadnia. Najb. Pašyrany sposab azdablennia – vaskavannie. Jajka z papiurednie naniesienym spiecyjalnaj blašanaj leječkaj, špilkaj, cvikom vaskovym uzoram farbavałi ŭ rastvory naturalnych (šałupinnie cybułi, kara dreŭ, advary traŭ) ci štučnych farbavalnikaŭ. Na kalarovym fonie atrymłivaŭsia bieły ŭzor – u tych miescach, jakija byłi zakryty voskam i nie prapuskałi farbavalnik. Kab atrymać pałichromny ŭzor, jajka pasladoŭna apuskałi ŭ roznyja farbavalniki – ad svietłych da ciomnych, kožny raz nanosiačy novy ŭzor z vosku. Na Biełarusi pieravažała adnatonnaja rasfarboŭka ŭ čorny, čyrvony, radziej – zialony, žoŭty i inš. kolery (biez ułiku naturalnaha biełaha koleru škarłupiny). Charaktar malunku, u jakim pieravažałi staražytnyja simvałičnyja matyvy, zaležyŭ ad sposabu naniasiennia vaskovaha ŭzoru. Nakapvannie vosku z dapamohaj špilki davała elemienty e vyhladzie rasciahnutych kropielek, z jakich kampavałisia kruhi-razietki, kvietki, łancužki, pajaski, styłizavanyja zaamorfnyja i antrapamorfnyja malunki. Spiecyjalnaj leječkaj-pisakom nanosiłi pramyja i chvałistyja pajaski ŭdoŭž i ŭpopierak jajka, działiłi jaho pavierchniu na 2, 4, 8 paloŭ, u jakija malavałi ŭzory ŭ vyhladzie jałinki, hrabielek, styłizavanych zorak, zavitkoŭ i inš. Radziej bytavała hraviravannie – pradrapvannie biełaha konturnaha ŭzoru na kalarovym fonie. Tonki hrafičny malunak składaŭsia z hieamietryčnych i styłizavanych rasłinnych matyvaŭ, uklučaŭ pažadalnyja nadpisy. Razmaloŭka ad ruki davała advolny malunak, pieravažna rasłinnaha charaktaru. Šyroka bytavała zvyčajnaja sucelnaja rasfarboŭka jajek (krašanki).
Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл.
2009–2020. Biełaruś, Miensk.