RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Etnahrafija
Kantekstny tłumačalny słoŭnik
Piŭnica
Rod sklepa (pohraba) dla zachoŭvannia piva, kvasu, vocatu, małaka, aharodniny, sadaviny i inš. praduktaŭ. Isnavałi ŭ 16-pač. 20 st. ŭ zamkach, mahnackich i panskich siadzibach, falvarkach, manastyrach, klaštarach, pry korčmach i h. d. Razmiaščałisia kala žyłych damoŭ, u haspadarčych zonach, kala brovaraŭ, u sadach, na aharodach, časam sumiaščałisia z ladoŭniami. Budavałi P. z dreva i kamieniu. Najbolš pašyrany byłi draŭlanyja P. – zahłyblenyja ŭ ziamlu zruby z biarvion (brusoŭ) z nasypanym zvierchu hruntam i nakrytyja drankaj, hontaj, sałomaj, abo t. zv. Prysłupovaj, kanstrukcyi, u jakich scieny z kołatych płašak, dylaŭ, platnia macavałisia da scienak jam ukapanymi ŭ ziamlu viertykalnymi słupami. Pierakryccio karkasnaj abo viankovaj kanstrukcyi. Časam pamiaškannie pieraharodžvałi na 2 addzialenni. Uvachody ŭ P. rabiłi praz “šyi” – krytyja zahłyblenyja ŭ ziamlu lesvicy. Zvyčajna “šyi” miełi dzviery ŭ vyhladzie draŭlanych krat (dla pravietryvannia), a ŭ samich P. byłi mocnyja hłuchija dzviery, časam akavanyja. Muravanyja P. svajoj płaniroŭkaj amal nie adroznivałisia ad draŭlanych. Niaredka nad P. budavałi adryny, kamory, ptušniki, svirny, syrnicy, kleci, šopy. U asobnych siadzibach i zamkach P. budvałi pad žyłymi damami abo ich častkami (siencami, alkiežami i inš.). Viadomy vypadki, kałi muravanyja P. isnavałi jak sklapy pad usim zbudavanniem pałaca, siadzibnaha doma. Tady jany nazyvałisia prosta sklapami, chacia častka z ich łičyłasia P. (Niasvižski zamak i inš.).
Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл.
2009–2020. Biełaruś, Miensk.