|
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
Прачыстая
(Зельная,
Спажа,
Успленне)
|
Летняе свята народнага календара, якое адзначалі 15 жніўня с. ст. Праваслаўнай царквой святкуецца як дзеннь успення маці боскай. Назва ўспленне тлумачылася ў народзе тым, што ў гэты дзень ужо спелыя плады і часткова яравая збажына. На П. ў царкве асвячалі хлеб, зеляніну. Асвечанае жыта, перамяшаўшы з астатнім, адкладвалі да новай сяўбы, каб прычакаць на наступны год добрага ўраджаю. У нар. песнях гэты дзень згадваецца ў сувязі з разнастайнымі с.-г. работамі: “Прачыста снапкі падае”, “на восець носіць”, “папары мяшае”, “пчолак ладзіць, кадкі мёдам налівае”. П. была для земляроба святам ураджаю, падвядзеннем вынікаў яго працы: “Свята прачыста – у полі ўрачыста”, “Спажа – хлеба дзяжа”. Адразу пасля П. пачыналася сяўба азіміны, пра што нагадвала прыказка “Успенне – ці гатова насенне?”. П. называлі звычайна першай, або вялікай, каб адрозніць ад другой (меншай) П. – багача. Разам з пакровамі гэтыя тры святы ўтваралі багародзіцкія святкі (“Прыйшлі святкі – апалі лісткі”).
|
|
|
Крыніца:
Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575
с.: іл.
|
|
2009–2020. Беларусь, Менск.
|
|
|