RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Etnahrafija Kantekstny tłumačalny słoŭnik Rasy čałavieka Hrupy ludziej, što skłałisia histaryčna i majuć padobnyja spadčynnyja vonkavyja (cialesnyja) adznaki – koler skury, vałasoŭ i vačej, formy nosa i hub, rost i praporcyi cieła i inš., a taksama niekatoryja “schavanyja” adznaki – hrupa kryvi i inš. Areały raspaŭsiudžannia roznych adznak nie supadajuć, tamu rasavyja miežy nievyraznyja i ŭmoŭnyja.   Vydzialajuć 4 viałikija rasy: jeŭrapieoidnuju, niehroidnuju, aŭstrałoidnuju, manhałoidnuju, a ŭnutry ich – małyja rasy. Asobnaje miesca zajmajuć pramiežkavyja (pamiž rasami) formy i zmiešanyja (mietysy) hrupy novaha času. Pamiž rasami nie isnuje marfałahičnych, fizijałahičnych, psichałahičnych adroznienniaŭ. Poŭnaja bijałahičnaja i sacyjalna-kulturnaja paŭnacennasć usich ras i mietysnych hrup sviedčyć pra vidavoje adzinstva čałaviectva i abviarhaje antynavukovyja rasisckija kancepcyi pra “vyšejšyja” i “nižejšyja” rasy.   Rasavy skład narodaŭ – vynik histaryčnaha razviccia, na jakoje bijałahičnyja, rasavyja asabłivasci nie mahłi ŭpłyvać. Pracesam rasaŭtvarennia spryjałi izalacyja peŭnych hrup ludziej z-za pryrodnych umoŭ ci sacyjalnych barjeraŭ, mihracyja i kantakty pradstaŭnikoŭ roznych ras. Bijałahičnyja asabłivasci pradstaŭnikoŭ luboj rasy nie ŭpłyvajuć na nieabmiežavanyja mahčymasci dla kulturnaha razviccia pry spryjalnych sacyjalna-ekanamičnych umovach.   Biełarusy naležać da ŭschodnie-jeŭrapiejskaha typu siaredniajejerapiejskaj rasy (u miežach viałikaj jeŭrapieoidnaj rasy). Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл. 2009–2020. Biełaruś, Miensk.