RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Mifałohija Kantekstny tłumačalny słoŭnik Padkurvannie   (Абкурванне) Mahičnaje dziejannie, nakiravanaje pieradusim na adhon niačystaj siły i chvarobatvornych duchaŭ. Akurvałi jak čałavieka, žyviołu, tak i žytło, haspadarčyja budynki. Ačyščalnaje i žycciadajnaje ŭzdziejannie P. zasnavanaje jak na sakralnaj mocy ahniu, tak i na mahičnych ułascivasciach padpalenych pradmietaŭ. Pry P. patelniu, ad jakoj padymaŭsia dymok, staviłi tak, kab jon achapiŭ čałavieka znizu ŭvierch ci kab jaho možna było ŭdychać. Dla P. skarystoŭvałisia hramničnaja sviečka, skapki z kascielnych sviečak abo inšyja atrybuty ahniu nakštałt kačarhi. Jak u ačyščalnaj, tak i ŭ miedycynskaj mahii viadučaja rola naležyć P. rasłinami, siarod jakich – čartapałoch, blokat pry zubnym bolu, sviancovyja na Jana ziołki, travy ŭročnik, padpudnik i inš. Pria piarepałachu padkurvałi lonam, pažadana letašnim, jaki abkładvałi vakoł chvoraha kruhom i padpalvałi sa słovami: “Kudy dym, tudy lak”. U asobnuju hrupu abjadnoŭvajucca atrybuty, što majuć dačyniennie da simvołiki taho svietu – smieccie, stopak, jaki znajšłi na darozie, dziarkač, sałoma z čužoj strachi, pavucinnie z haryšča. Zdabyvannie smieccia stanaviłasia svojeasabłivym rytuałam – “adzin šustry siamiejnik biažyć u susiedniuju chatu, chapaje smieccie, z toj ža chutkasciu biažyć da druhoj chaty, tam robić toje ž, i tak u treciaj, i viartajecca nazad z roŭnaj paspiešnasciu. Lepš, kab za hety čas ni z kim nie sustrecca, a kałi chto trapicca, nie spyniacca i nie adkazvać na pytanni”. Majuć značennie i inšyja sposaby pryhatavannia da P.: moch brałi z vuhłoŭ chaty nakryž, hetak ža saskrabałi z čatyroch rahoŭ stała, nakryž sastryhałi šmatok poŭsci z hałavy žyvioły, što stała pryčynaj piarepałachu. P. chvoraha dymam ad padpalenych vałasoŭ, adziennia toj asoby, što jaho suročyła ci sčaravała, łičyłasia adnym z samych nadziejnych sposabaŭ niejtrałizacyi psoty. Z inšych pradmietaŭ, što prymianiałisia dla P., vyłučajucca łupiny, z jakich vysiedziełisia kuraniaty, nitka, jakoj zmiarałi kašulku pierapałochanaha dziciaci. Kab palehčyć chvoramu pakuty, jaho abkurvałi praz rešata dymam ad łipavaha cvietu. Krynica: Беларуская міфалогія: Энцыклапедычны слоўнік / С. Санько [і інш.]; склад. І. Клімковіч. – 2-ое выданне, дапоўненае. – Мінск: Беларусь, 2006. – 500 с.: іл. 2009–2020. Biełaruś, Miensk.