RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Etnahrafija
Kantekstny tłumačalny słoŭnik
Asieć
 
(Восець)
Staradaŭniaja haspadarčaja pabudova dla prasuški zbažy¬ny, kanapiel, ilnu. Łakalnaja nazva asietka. Kanstrukcyjna bolš składa¬naja, čym joŭnia. Najčasciej A. stavili ŭnutry humna la tarcovaj sciany, procilehłaj varotam, zredku - za humnom. Zvyčajna heta kvadratnaje ŭ płanie 2-jarusnaje zbudavannie z imšanymi scienami. Uporavień z padłohaj rabiłasia kvadratnaja adtulina, praz jakuju vyhra¬bałasia ziernie. Zamiest dzviarej na uzroŭni 7-8-ha viankoŭ rabiłasia vialikaja adtulina, praz jakuju padavali snapy i załazili u A. Na capniki, što raazmiaščalisia na 2-m jarusie, stavili snapy dla suški. U hlinabitnaj padłozie A. vykopvałasia jama hłybinioj da 2 mietraŭ, u jakoj znachodziłasia pieč, abkładzienaja kamienniem. Pieč meła niekalki luchtaŭ i čarenniem vychodziła ŭ 1-y jarus. Nahretaje pavietra traplała ŭ vierchniaje addzialennie, dzie znachodziłasia zbažyna. U čas suški abiedźvie adtuliny ščylna začynialisia.
 
A. była bolš nadziejnaja ŭ supraćpažarnych adnosinach, tamu što čales-niki (uvachodnaja vyjemka ŭ niečy) byli izalavany ad unutranaj častki pabudovy. Niahledziačy na vidavočnuju pieravahu, A. nie atrymała pausiudnaha pašyrennia na Biełarusi. Najbolš jana była pašyrana ŭ Mahiloŭskaj, Viciebskaj, na Pn Homielskaj i častkova Minskaj abłasciach.
Асець. Чарцёж (папярэчны і падоўжны разрэзы)
Гумно з асецьцю ля тарцовай сьцяны. Плян
Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл.
2009–2020. Biełaruś, Miensk.