 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
|
Вытрымкі, цытаты, развагі, назіранні, ўласныя выслоўі
|
* * *
Я веру ў кансалідацыю графаманаў і не веру ў плюралізм, суіснаванне таленавітага і бяздарнасці.
* * *
Нідзе так не стамляешся, як на выстаўцы. Пад канец перастаеш рэагіраваць нат на больш выдатныя творы мастацтва.
* * *
Класік «жывы»? Гэта дзіўна. Званне гэта даюць наступныя пакаленні.
* * *
Перажываем часы тэрору халтуры пад відам новага мастацтва, авангарда.
* * *
Марынэці заклікаў знішчыць музеі, творчасць мінулага... Ён думаў – слова зможа адмяніць лад, змяніць свет.
* * *
Усе ўзнагароды Нобеля робяцца рукамі палітыкаў.
* * *
Хто сёння за нейкую ідэю будзе змагацца, калі ідэі няма, і тыя, якія былі, – на сметніку гісторыі.
* * *
Я стаў іншым і іншай стала паэзія.
* * *
На гісторыю глядзім праз акуляры літаратуры, мастацтва.
* * *
Білет у Вялікі тэатр – 3,5 долары; нумар гасцініцы – 400 дол.
* * *
У нас як упруцца ў нейкае прозвішча, дык будуць яго скланяць на ўсе лады, хоць за ўвагай застаюцца вартыя большай увагі.
* * *
А чытач часта паступае не па праграме, што яму раюць.
* * *
Слушныя артыкулы не чытаюцца так, як скандальныя.
* * *
Калі меркаваць па актыўнасці духоўнікаў, даўно павінна было настаць маральнае адраджэнне ў нас. А што бачым? Поўны маральны упадак, п’янства, поўны эканамічны балаган.
* * *
Тыя, што патрафяць нешта рабіць, – робяць, тыя, што не патрафяць, – павучаюць (англ. пагаворка).
* * *
Колькі ў угоду рыфмы знаходзім розных дзівосаў! Нат у Брусава: Дремлет Москва будто самка спящего страуса (?). Каб зрыфмаваць з радком: «Тянется длинная шея – беззвучная Яуза...». А Русь і саюз?
* * *
Гётэ, Стаф, Івашкевіч пісалі да старасці. Рэмбо кінуў пісаць малады.
* * *
Генерал Дравіч канфедэратам барскім адсякаў правую руку і ссылаў у Сібір.
* * *
На пачатку 20 стаг. Рублёва лічылі варварскім багамазам. У бэдэкеры на Расіі 1918 г. гаварылася аб яго мастацтве, як аб «прымітыўным і скасцянелым, якое мае толькі этнаграфічную вартасць».
* * *
Пантэтофэн – апанент Коха – глынуў на публічным паказе бацылы халеры і не захварэў.
* * *
Панятоўскі – лысы, баязлівы, а ў літаратуры?
* * *
Смерць Гастэлы. Знойдзены ў Тарце самалёт.
* * *
Міцкевіч. Цвітуць восенню кветкі. Букі букам перадаюць рэха (?). У нас не растуць.
* * *
У Шэкспіра чэхі жывуць пад морам.
* * *
У Шылера Геслер дае яблык з дрэва ў снежні.
* * *
На востраве Багемы Калумб з падзорнай трубой, якую выдумалі праз 100 год пасля яго смерці.
* * *
Кутузаў у Ленінградзе падобны на рымскага легіянера.
* * *
«Fonis Polonia!» – Касцюшка не гаварыў. Гаварыў: «Няшчасная была б Польшча, калі б лёс яе залежаў ад аднаго чалавека».
* * *
Масква збіраецца выкінуць на рынак трафейныя творы мастацтва, раней зрабаваныя немцамі. Чаму толькі праз 50 год?
* * *
Памылка саветолагаў: «Хаця Бжэзіньскі, А. Стромас (літ. эмігрант), А. Амарлік «Ці СССР пражыве, праіснуе да 1994 г.», дэсідэнты Джылас, Оруэл (Orwell): «Як маніла наша статыстыка? (50 мільёнаў пар ботаў, хоць не выпусцілі ні пары)».
* * *
Хлусня пра Раманава, што браў прыборы з Эрмітажа. Вяселле было ў Таўрычным замку, дзе была партшкола і сталовая. Раманаў быў кандыдатам на высокі пост.
* * *
Здабыццё хлеба не пакідае часу на культуру. Страх за заўтрашні дзень паралізуе ўсякую дзейнасць.
|
|
|
|
|
Падабаецца
Не падабаецца
|
|
|
2009–2022. Беларусь, Менск.
|
|
|
