|
З'ЯВА III Тыя самыя, Ціхон Пратасавіцкі і яго жонка Куліна. Ц i x о н. Хрэн табе ў вочы,— жонка, а жонка! Хадзі да паўзірайся, як дачка твая з Грышкам Цюхайчыкам галубіцца! К у л i н а (за сцэнай). Хто? Дачка? Бойся Бога, ды яна ж яшчэ малая. (Уваходзіць.) Ц i x о н. Які чорт малая! Хрэн табе ў вочы,— хадзі палюбуйся! М а р ы с я. Якая ж я малая, калі мне на Спаса скончыцца семнаццаць год?! К у л і н а. Маўчы ты, хітрая лісіца! Бачыш ты, як яна скора палічыла гады! Ц і x о н. Ах ты, чортаў сыну,— хрэн табе ў вочы! Не годзе таго, што бацька да жывога мяне пакрыўдзіў, назваўшы не шляхціцам, дык яшчэ сынок дачку нам баламуціць. Г р ы ш к а. Ды я ж яе люблю і хачу з ею жаніцца... Ц i x о н. Ось я цябе так пажаню, як твайго бацьку! Жонка, а жонка! Дай мят-лу,— хрэн табе ў вочы! Г р ы ш к а. Што хочаце, тое рабіце, а ўсё-такі Марыся будзе мая! (Да Марысі.) Бывай здарова! (Выходзячы, спатыкаецца з Куторгам і збівае таго з ног, Марыся ўцякае ў хату.)
|
|