|
350 10.Х.1985 г.
Любімы мой, найсонечны, найблізкі, Быць слабаю мне сёньня не дазволь. Пішу табе вясёлыя запіскі, Хоць разьдзірае сэрца дзікі боль. Я над табой цяпер, як над калыскай, Ў якой люляю сонечны працяг. Чытай, сынок, вясёлыя запіскі Майго неверагоднага жыцьця. Чытай, сынок, хай пойдзе на здароўе Прыдуманы вясёлы мой настрой. Я ведаю, што сіла ёсьць і ў слове, Калі яно напісана крывёй. Чакаю шчаснай восені празорай, Дзе мы з табою пойдзем крок у крок, Лісточак мой на завадзі азёрнай... Ты будзеш жыць! Ты выжывеш, сынок!
|
|
|