|
Водар стужкі. Акупунтурны час. Зоркi граюць. Я бачу толькі вас: Седзяцё перада мною, Вы апошні, хто глядзіць кіно Я не чую, ня слухаю, але Выпадкова ці можа быць ўва сьне Вы чагойсьці мармачыце, Вы адзіны, хто са мной даўно На экране так звыкла cinema, Ў залі крэслы. Нікога больш няма. Ну чаго вы не крычыце? Не жадаеце глядзець у твар? Так заўсёды. З усіх бакоў сьвятло. Вы памёрлі – скрозь сьвідравіны дно. Дык чаму тады усюды Кожны раз я бачу толькі вас? Што вам трэба? Чаму ізноўку я? Шмат каштуюць пігулкі забыцьця? Добры, дрэнны і цікавы, Нецікавы, без субтытраў фільм...
|
З-за шкла машыны шмат вачэй Усіх да дому праважаюць, Хадзіць скрозь сьцены шмат дзьвярэй Мне рэгулярна замінаюць. Таму сяджу сярод людзей, Калі яны не разважаюць. Я кленчу ў іх тых дзьвюх начэй, Калі закапваць пачынаюць...
|
Мы вельмі падобны адзін д’аднаго: Асфальт прагібаем аднолькава, У нас нават вочы колеру серы На сьвет пазяхаюць юдолькава. Мы побач заўсёды і разам заўжды, Да спадобы адное і тое ж, На справе самой, як і ўсіх, нас няма, Але гэтага ўжо на утоеш...
|
Абрэзаны, абломлены І зьведзяны на нет, Растуць шкілеты голыя – Нікому справы нет. Размовы і размоўкі Вядуць паміж сабой Ствалы, галіны, шуплы З ахізлаю карой. Адчай нарэзаў карбы, Ўсіх іх засмактаваў, І плойму думак дрэнных Ім зьнечаку нагнаў...
|
Дзе-небудзь на наступным тыдні... Ня ведаю дакладна... Ты ідзі... Магчыма потым... можа быць... наўрадці... Сумнеўна неяк... Пазвані...
|
Аднаногі ліхтар З напаўвыбітым вокам, Зь перабітай рукой І праломленым бокам. Абскубелы і гідкі, Чэрствай моваю зьбіты, Не адною залевай Шмат разоў быў заліты. Каля цёмных сядзібаў Цёмна ў лужыне спаў Ды у цемрадзі вуліц Сьветла сьвет ліхтараў...
|
Праз атворыну ў дзьверах Я гляджу на пакой, А на сьценцы чаўхірка – Зь яе п’е Антыной. Мітусіцца агенчык У ягоных вачох, І крывавая водка, Бы струга па плячох. Я, калі б нават ведаў, Піў бы разам зь ім з чар, Бо са мной толькі кухаль У дадатак да мар...
|
Я кладуся спаць у ложак, Мне мроіцца: званок Скубе няспынна ганак Як быццам бы знарок. У дзьверы нехта б’ецца І кліча: «Адчыні!» Я не даю ім веры, Крычу: «Згубіў ключы!» Празь нейкую сэкунду Ізноў знаёмы стук. «Каго тут чэрці носяць?! Ў мяне не сорак рук!» Гляджу ў глазок дзьвярны, З-за шкла відаць брыво: «Каго тут сярод ночы У дом мой занясло?!» Шурпатаю рукою Шкрабецца зноў у дзьвер Шкілет з крывой касою Вялікай на памер. «Адкуль прыйшоў? Навошта? Што трэба табе тут?» – «Прыйшоў твой час зьбірацца У хмарачэсны кут!» Страшыдла ўскінуў рукі І працягнуў касу: «Ў краіну вечнай мары Цябе я аднясу. Там будзе шмат пітва І шмат дзівосных спраў!» – Шкілет мне усьміхнуўся, За руку мяне ўзяў. Мы зачынілі дзьверы, А выйшлі праз вакно. З тае пары ніколі Ня бачыў нас ніхто...
|
Па-над вялікай ручаінай З пагардаю на увесь натоўп Глядзіць напаўзакрыўшы вочы Вальяжны Камянецкі Стоўп. Пяюць аб долі нешчасьлівай Усе каму сьпяваць ня лень, І нават птушкі ў небе сінім Дзівяцца: «Што гэта за пень?» У дні вясельляў і гулянак Як і усюды на Палесьсі Здымаюць людзі ўсю адзежу – Такімі бегаюць па лесе. У вежы ў стылым Камянцы Царыў Гамора і Садом – Аб гэтым навіна такая Да князя прыляцела ў дом. Адразу ж на наступны дзень Вялікі князь на коня сеў, І незаўважаным у Стоўп Прабрацца тайна захацеў. У голым стане ноччу ў лесе Магутны князь дарма блукаў, Ня ведаў ён аб тым, што Стоўп Ад князя хутка уцякаў. Калі ж яму ўсё расказалі, Дык раззлаваўся строгі князь, Відэлец зашпульнуў у сьцену, Сказаўшы жорстка: «Во дзе мразь!»
|
Подых ветру лашчыць Белыя пялёсткі, Рвець з каштанаў сьвечкі, Б’ець аб землю сьлёзкі. На асфальце мокрым Ўсе яны зьбяруцца, У падэшвы ботаў Борзьдзенька заб’юцца. Дома, каля вокнаў, Я здыму абутак, Буду есьці кветкі, Гледзячы ў закутак.
|
Ты імжыш над маёй галавою, Дзьмеш у ветразь маіх вогкіх сноў, Маіх думак чапаеш антэны, І мой помірс зьдзімаеш далоў. Пасядзі, калі ласка, са мною. Бач, мой зэдлік заўсёды пусты. Прынясі на Вялікдзень цукерак, Папарві з майго цела кусты. Калі хочаш, я буду дарадцай. Калі не, – буду моўчкі ляжаць. Пажадаеш, – зраблюся вясёлым. Загадаеш, я буду бурчаць. А яму усё гэта ня трэба, Сыпкі зьмерк не дае моцы жыць. Сярод корстаў, крыжоў, пахаваньняў Ветру хочацца толькі паліць...
|
Сіняя пашча, жоўтая зрэнка, Іклы-дамы і іх дзіркі наўсьцяж. Мой далягляд кіруецца сьценкай, Час надыйшоў гэты скончыць ваяж.
|
Кожнае раніцы бомжавы водар Сьметніца сьмердзіць пад нашым вакном. Людзі на працу сьпяшаюцца з ложкаў, Я застаюся з сабой «ўваднаром». Зноў сам з сабою буду імкнуцца Выйсьці з учора, забыць на ўспамін, Слухаць па сэтцы навіны надвор’я, Піць белы чай мацярок-гэраін.
|
«Як ляцела ў сукротным зьмярканьні, Дзе Югася так волка спала, У сутонках шукала таланьня, Ды раптоўна цябе я знайшла. Твае ўводныя промні схапілі, Абвінулі, далі мне спадзеў, Але сукам сваім жоўтым вокам На усіх і на ўсё ты глядзеў. Я не звоглена, я не забіта, Няма скаргаў, жыву як жыла...» – Стрэлка словы ў ліхтар прасіпела І нагамі дадому пайшла...
|
Кожны вечар на зьмену Сьпякотнай нудзе Прыходзяць дажджы І плачуцца мне. Парасон мой ламаюць, Тлумачаць мне сны, Ў якіх бурбакі Бурбочаць мне «ты». Кожнай ліквіднай кропляй Цякуць па сьпіне, Ды баюць мне сказ Сабой аб табе. Кожны раз у залеву Мне карціць пажыць, Забыцца на ўсіх І ціхенька ныць...
|
На могліцы нясу Дурныя успаміны, Мяргуй ці не мяргуй Мне будзе лепей так. Машынка палкане Чырвоныя паветры, Ня будзе больш ніхто Мне соўгаць ў галаве. Там ходнікі бяз крэсу Расплюшчаць мае рукі, Ў грудзёх папатыхае Апошні цёнг курца, Бо шыкаў не жадаю, І вомпіць, хто што скажа Злажуся вокам... Проша! У госьці да мярца!
|
Постаці сялянак, Статуі статуяў У палацы жоўтым Там на чалах стаяць. Гнёнікі і стоды Зьверху ўсёй грумадай Б’юць у ладкі з рэмзы, Каб неяк выслаўляць. Што? Каго? Навошта? – Ведаюць наўрадці На каменных дошках Загады нам блішчаць. Спэнду не разгледзіць. Хто тут што набэрсаў, Ды й ніхто ня хоча З-за іх свой зрок псаваць. Пэўна так і трэба, Сымбалі памёрлі. Гаркацеча-думка Мне не дае сканаць. Ведаю дакладна: Стодзівы на крушне Найбліжэй да неба Па-над людзьмі ляцяць...
|
Старая сядзіба калюмнамі з цэглы Сустрэла пад вечар разбураным ганкам, Наўсьцяжныя шыбы сьпявалі нам гімны, Кажана крыламі да самага ранка. Наступнага дня, калі зь Перунамі Ваблокі маланкі на дрэвы кідалі, На лесьвіцы з камня, апранутай мхамі, Мне тосты з гарбатай казкі казалі. Зь нейкай нагоды панская дочка На шыі каралі зь вяроўкі спляла, Бачылі потым, як Ilga ў пакоі Белым прывідам пад стольлю плыла. Я зьеў свае тосты і выпіў гарбаты, Крышталікі солі заўважыў на дне. Наўкола ні гука, ні руху, ні ветра, І «Es tevi milu» чую ў вакне...
|
Ў аўтобусе чорным па Lost Highway едзем, І музыка грае, аж вушы баляць. Усюды рагочуць і п’юць водку зь whisky, Паўночныя людзі па крэслах сядзяць. За вокнамі цёмна і зоркі з залевай, Па пыльнаму шклу ручаіны са сьлёз. І з зайздрасьцю Месяц нам зыркае вокам, Галінкамі дрэвы суюць да нас нос. Ты недзе наперадзе, я недзе ззаду, Не здарыцца побач нам разам сядзець. Але мне ўсё роўна – ніхто ў маю цемрадзь Ніколі не здолее так жа глядзець.
|
Як белы сьмяротны камарык, Я крочу ў яго цыгарэту, Дым з попелам джалкам кранаю, Зыходзячы з гэтага сьвету. Спыніць сябе моцы не маю, Вось крылцы згарэлі і ножкі. Нічога: набуду зноў новых – Цыгар сустракаў толькі трошкі.
|
Мае рукі – жоўтыя сьцены, Мае вочы – лямпа са шкла, Мае вушы – брудныя ложкі, Мае думкі – іх больш няма. Маё сэрца – кубачак кавы, Мае душы – мокры ручнік, Мае грудзі – крэслы са скуры, Шэпт кузурак – гэта мой крык. Я шчасьлівы, бо кожнае ночы Я глытаю твой сон праз вакно, Твае мроі ў шуфляды хаваю, З тваім розумам крочу на дно.
|
Калі атрымаецца так, Што я разам с табою ўвесь дзень правяду, Праеду паўсьвету з табою ў машыне, А потым у госьці зайду, Так будзе усё, як і мае быць з намі: У мой ты не зойдзеш куток, І мухі з балкона зьлятуцца у ночы Зрабіці гарбаты глыток...
|
Ты ўжо дакурыў, ты пойдзеш і зьнікніш, Але ж усё роўна, сябе мы пабачым, З акуркам тваім пакладу разам свой я, Хай Briviba позіркам зьесьць нас кашачым. Хай рукі трымаюць высока тры зоркі, Хай брыдкаю зеленьню вып’е ўсе хмары, У горадзе барсаў зраблюся скульптурай, Мяне ты заўсёды пазнаеш па твары...
|
Лісткі тэлефонаў на дошцы аб’яваў Вецер пяшчотна ірве языком, Надзеі чыісьці апошнія лашчыць, Зь ліпкіх паперак будуе свой дом. Рэклямкі крычаць, яны воюць і ныюць, Яны не жадаюць нікуды ляцець. А Вецер ня чуе грашовых малітваў, Ён плача, рагоча і горача дзьмець... Нашто абяцаць ім таго, што ня маеш? Навошта іх потым у лужыне мыць? На цёплыя губы і моцныя рукі Яны ўжо ня здолеюць болей забыць.
|
Ад’ядныя кветкі, касьцёл Сьв. Тройцы, Нябачныя хоры вянчаньню сьпяваюць, Магільныя пліты – памерлых візыткі Ля Божага храма спагады чакаюць. Хлапчак зацікаўлена водзіць нягучна Па цындры каменнай бялюткай рукою, Жыцьцёвыя літары хутка ўжо сьвянуць – І гэта прычына яго непакою. Ён хоча дазнацца, што здарылась з тым, хто Тут быў пахаваны ў юнацкім узросьце... Вось скончыцца служба, ўсе выйдуць з касьцёлу, Ніхто не заўважыць на могілцы косьці...
|
Купіце цацку па рэклямцы, І пражывіце зь ёю дзень, Гуляйце, размаўляйце зь лялькай, А потым выкіньце за дзьвер. Вам зь ёй ня будзе адзінока, Яна вас будзе весяліць. Спрачацца, нават, з вамі будзе, І толькі вас заўжды любіць. Цікаўны розум, пекны выгляд, Па добрай, зьніжанай цане... Няўжо ж вам цацка не патрэбна? Хутчэй! Набудзьце жа мяне!
|
Мне сорамна і цяжка ад сябе, Я не зрабіў нічога, што жадаў бы, Я не сказаў нічога, што хацеў, Ня стаўся тым, каго б заўжды бажаў ты. Я не лакнаю болей, бо стаміўся, І кохнуць, і у твой казеліць бок. І толькі нізкі зь нізкага на вочы Сасуць ізноў мой клей – жыцьцёвы клёк.
|
Грувасткі гарадзкі пакойчык, Дзе копша блюміў невыносна, Фіранка расчыніла вокны, Каб не было ўнутры так млосна. І пустадомны подых з сквэраў Пад’еў ўсе горкія паветры, Расквецілі фіранку думкі, Бруіліся намёкі зь ветру. Ніхто ня ведаў пра іх лучнасьць, Іх позіркі як мак цьвілі, Яны б заўсёды былі разам, Але ў пакойчык увайшлі. Ў вабдымках ветру цераз шкло Фіранка высьлізнуць хацела, А гзымс, вяруга і крукі Чувалі, як яна трымцела. Яна ня здолела ляцець, Бо не парвала свае крылы. Крозь люфцік нурна ноч-пры-ноч Зь ёй цалавацца будзе мілы...
|
Я запалю ад сьвечкі цыгарэтку, Я не жадаю сьмерці марачкам, Але за тое каб цябе паелі рыбкі, Ўсе сьвечкі ў хатцы з радасьцю аддам. Каб водарасьці зьелі тваю скурку У шторм аднойчы на гаючым дне, Я мару як твае крывыя косьці Са смуткам узгадаюць пра мяне.
|
|
|