RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Z nadziejaj harotnaj...
Z nadziejaj harotnaj,
Ź ślazoju čyrvonaj
Błudžu ja, markotny,
Pa rodnych zahonach.
 
Błudžu i nia znaju,
Dzie praŭda, dzie siła,
I cicha pytaju
U dumki niamiłaj:
 
Niachaj mnie havora,
Niachaj apiavaje
Ab soncy, ab zorach,
Ab radasnym krai.
 
Dzie nieba – jak nieba,
Dzie dola – jak dola,
Dzie chleba – šmat chleba,
Dzie vola – razdolle!
 
Dzie ludzi – jak ludzi:
Nia čachnuć u pleśni,
Dzie z sercami hrudzi,
Dzie pieśni – jak pieśni!
 
Dzie śpioki, marozy
Ŭ znaki nie dajucca,
Dzie ŭzdochi, dzie ślozy
Nia čutny, nia ljucca.
 
Jak samaje sonca,
Dzie jasna – tak jasna,
Jak samaje sonca,
Dzie ščasna – tak ščasna.
 
Zaznać choć minutku
Paciech hetkich miłych!..
Bo ŭ viečnym žyć smutku
Ja, ludzi, nia ŭ siłach!..
 
1908
 
 
 
 
Padabajecca     Nie padabajecca
2009–2020. Biełaruś, Miensk.