Hej ty, hej, Biełaruś, maładaja staronka, Što hibieła stalećci ŭ biaspućci, ŭ paciomkach, – Hej, skažy, skul ciapierašnia słava tvaja? Hej ty, hej, Biełaruś maładaja maja! ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ Nie ź viasiołaści jasnaj, nia ź jasnych pałacaŭ, A z kanajučaj kryŭdy ŭ pachilenaj chatcy, Vyzyvanaja praŭdaj, taptanaj, žyvoj, Ja ŭzyšła, raśćviła niepahasłaj zaroj. Darma cheŭry čužyncaŭ mianie zastaŭlajuć Pakłaniacisia im, pradajuć i kuplajuć I apiekaj svajoj źnievažajuć mianie, - Z svaim ludam nia damsia ŭ svajoj staranie. Ni naśmiešak, ni postrachu vorahaŭ silnych, Nie pužajusia j piesień panurych, mahilnych, – Śvietu cełamu łžyvyja vočy pratru, Što ŭładarka ja tut, nie ŭmiarła i nia ŭmru. Hartavana ślaźmi i kryvioju naroda, Razabjucca ciapier aba mnie ŭsie niahody, I dzie ŭpadak byŭ moj, stanie dumna syn moj, Povien vołi i słavy niazłomnaj stupoj. Ja śviatła iskry ŭ dumkach biazdolnych zasieju, Adnaŭlu sercy ichnyja hartam, nadziejaj, Pakažu im žyćcia ich praŭdzivu zaru, Pa razvałinach novu ŭsiabytnaść stvaru. I ad kraju da kraju ŭsio dalej i dalej Moc maja razaljecca niazmožanaj chvalaj, Pieśniary aba mnie buduć pieśni składać, Narod budzie ich pieć i mianie prasłaŭlać. Hramadzianskaja zhoda, supolnaść zahoście, Až uściešacca pradziedaŭ cieni i kości, Słoŭ unuka nia zhłušyć nijaki prymus, Što jon rodnaj ziamłi vierny syn, biełarus. ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ Hej ty, hej, Biełaruś, maładaja staronka! Ustavaj ža, ŭstavaj z panižeńnia, z paciomkaŭ, Chaj ža budzie niazmožana ŭłada tvaja! Hej ty, hej, Biełaruś maładaja maja!
1909
|
|