 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Maksimu Tanku ŭ vadkaz
na jahony vierš «Ave Maryja»
Na viežy kramloŭskaj hamoniać kuranty,
Taŭkucca na płoščy ŭ čarzie ekskursanty,
Kab mumii žoŭtaj u zmročnaj hrabnicy
Padziakavać, nizka čałom pakłanicca -
Žyćciu novamu brava,
«Rodnaj partyi» słava!
Iz słuckich paloŭ čampijon-ilnavodka
Łipić u natoŭpie iz sercam dryhotkim -
Savieckaja versija słuckaj tkačychi,
Na połi kałhasnym paznała chunt łicha -
Źmianiłasia dola narodnaja,
Słava «partyi rodnaj»!
Hadoŭ joj mo tryccać, na vyhlad šmat bolej,
Harbom na plačoch uzbujnieła niadola;
Mazolnyja ruki, barozny s kastrycy,
Chudaja avośka halečaj svicicca -
Postać prost žaluhodnaja,
Słava «partyi rodnaj»!
Za pot mazałi i ciažkuju fatyhu
Joj «rodnaja partyja» tycnuła fihu:
- Ty Leninu jedź u Maskvie pakłanisia,
Padziakuj, što bulba i chleb nie źviałisia.
Ščaśłivaja ty i svabodnaja
Pad soncam «partyi rodnaje».
Kazała joj maci: dačuška, biaz Boha
Uładzie nijakaj ani da paroha.
I ćviet vasilkovy, i miakki šoŭk lonu
Na vusnach parepanych stanuć praklonam
Dołi našaj pryhonnaj -
Słava «partyi rodnaj»!
Ty znaj, ilnavodka, što Płoščy Čyrvonaj
Nia pieršy raz słuchać harotnych praklony,
Dy pryjdzie kaniec satany panavańniu,
Paśla ciomnaj nočy nastanie śvitańnie,
Źmienicca dola narodnaja,
Zhinie «partyja rodnaja»!
Pasłuchaj, jak hułkim recham chaŭturnym
Hrukaje bot z maŭzaleja dziažurnych;
Pojdzie ŭ niabyt toj praklaty kastryčnik,
Zhinie biazbožny maskoŭski apryčnik,
I spravim u dzień pahodny
Chaŭtury «partyi rodnaj»!
1967
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
