РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Было гэта...
Было гэта вясною,
Клаў гняздо верабейка;
      На лугу на зялёным
      Шчасна йграла жалейка.
 
Было гэта улетку,
Шукаў зёрн верабейка;
      Хмары з громам стагналі,
      Нудна пела жалейка.
 
Было гэта увосень,
Гнаў каршун верабейку;
      На слаце-непагодзе
      Галасіла жалейка.
 
Было гэта зімою,
Мёр, замёр верабейка;
      Лягла ў сьнежныя гурбы
      Паламанай жалейка...
 
[1909]
 
 
 
 
Падабаецца     Не падабаецца Водгукі
2009–2018. Беларусь, Менск.