Płača sonca maładoje
Nad płanetaj nad staroju,
Iskry syplucca curkom,
Što nia tymi pucinami
Chodziać lety za latami
Ŭ viečnym zładzie z kurhanom.
Bieznadziejna, biestryvožna,
Cicha, zvažna, aściarožna
Chaos hniozdy ŭje svaje, –
Vara zielle-kałatuchu,
Poje, zvodzie kniazia-ducha,
Pieradychu nie daje.
Śvity, zachady krylacca,
Na adnoj taŭkucca kładcy,
Ciemra vabie zhubnym dnom;
Płača sonca maładoje
Nad płanetaj nad staroju,
Iskry syplucca curkom.
[1909]
|
|
