Шуміць шумненька гаёк,
Галейкам махае;
Любі мяне, дзецючок,
Бо я маладая.
Я прыгожая дзяўчына,
Ніхто не зжахнецца,
Твар чырвоны, як маліна,
Сэрца б’ецца, б’ецца.
Сэрца б’ецца, любіць хоча,
Сэрца жджэ другога, –
Не магу я спаці ночай,
Як з жалю якога.
Ўсё к падушачцы тулюся,
К грудзям прыціскаю,
То смучуся, то сьмяюся,
То кагось чакаю.
Ой, чакаю, што ж марудзіш,
Дзецючок, са мною?
Прыйдзі толькі – шчасьліў будзеш
Зь дзеўкай маладою.
1906
|
|
