РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
*  *  *
Вецер да Нёмнавай сіні прыпаў,
вод люстра у дробязі крышыць,
спакойныя хвалі разгойдаў, узьняў
і ціха калыша, калыша.
 
Сьмела пасталі на бераг дубы,
шуміць і сасна, і альшыньнік,
быццам купаюць густыя чубы
ў разгойданай нёманскай сіні.
 
Зь сецямі дружна ідуць рыбакі,
шуміць ім насустрач дуброва...
I вучацца хлопцы ад дрэваў стрункіх
ня гнуць над вятрамі галоваў.
 
1964
 
 
 
 
Падабаецца     Не падабаецца
2009–2019. Беларусь, Менск.