RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Łarysa Hienijuš
Vieršy
Kantekstny tłumačalny słoŭnik
Zabłudzić by...
Polny viecier šlach błytaje,
hubić ahaniok,
sieje-sieje, padsiavaje
zorkami śniažok.
 
Rviecca konik, viecier honić
ahaniok sustreć.
Dobra hetak na sutońni
ź vietrami lacieć.
 
Nu, zabłudzim dyk zabłudzim.
Heta navakoł
našy sioły, našy ludzi,
ŭsiudy chleb i sol.
 
Kraj naš luby, čałaviečny,
choć ni brat, ni svat,
ŭ hety ciomny, śniežny viečar
kožny hościu rad.
 
Hamaniać jašče pa chatach,
dzieci jduć sa škoł,
maci varyć, a dziaŭčaty
nakryvajuć stoł.
 
Voś damy svaje, hladzim my,
ahańki śviatła.
Ach, jak žal, što nie zbłudziłi
niedzie da siała.
 
1965
 
 
 
 
Padabajecca     Nie padabajecca
2009–2019. Biełaruś, Miensk.