РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
Буслы
Да зямлі беларускай,
да каханай зямлі
зноў вяртаюцца гусі,
зноў вяртаюцца буслы
ды лятуць жураўлі.
 
Закружылі над Зэльвай,
паляцелі дамоў.
На гняздо сваё села
пара чорная зь белым
даўганогіх буслоў.
 
I ляскочуць ад раньня,
і будуюць, як мы,
цэлы дзень ад сьвітаньня
ўсё ўдваіх да зьмярканьня
свае гнёзды-дамы.
 
На высокай таполі
бусел кладку кладзе,
толькі б бліжай да сёлаў,
да працоўнае долі
простых нашых людзей.
 
I хоць зноў ім на зіму
ў чужы край адлятаць,
як жа гэту Радзіму,
хлебароднае дзіва, –
як яе не кахаць.
 
1966
 
 
 
 
Падабаецца     Не падабаецца
2009–2019. Беларусь, Менск.