РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
Восень
Золата, чырвань і медзь на кустах.
Вецер свавольны аж хмеліць.
Фарбаў багацьце – то восень, мастак,
малюе свае акварэлі.
 
Хмарам зьбірацца і лісьцю кружыць,
вітаючы сумную госьцю.
Хораша позьняю восеньню жыць,
дыхаць яе прыгажосьцю.
 
З трывогай ў сэрцы на край мой гляджу,
на лад і разлад на планеце.
У засяроджанай цішы кажу:
– Хай выйграе праўда на сьвеце.
 
Хай замець закруціць сумётаў сувой,
бінт сьнегу на раны паркана.
Хай людзі жывуць на планеце сваёй,
каму колькі наканавана.
 
 
 
 
Падабаецца     Не падабаецца
2009–2019. Беларусь, Менск.