Хтось адыдзе, нехта разьвітаецца, застанецца жменя сумных слоў. I буслы ня ўсе дамоў вяртаюцца з афрыканскіх сонечных краёў. Абарвуцца думкі чалавечыя, згасьне сон дзявочы на зары. У жыцьці няма нічога вечнага, бо жыцьцё самое да пары. Я стаю сярод палёў засеяных, пад нагамі гнуцца бадылі. Бацькавы сьлядочкі ветрам зьвеяны, пазатоптаны, даўно ў зямлі. Грэліся пад шэрай стрэшкай разам мы, сьмех зьвінеў ад раніцы ў палёх. Так шкада – ня ўсё дарэшты сказана, не адплачаны бацькам наш доўг.
|
|