РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
Гасьціна
Калі палеткі ад жніва астынуць,
як ляжа сум асеньні на лугі,
захочацца ў сялянскую гасьціну
на верасовы мёд і пірагі.
 
Тут п’юць з прынукаю:
– I на здароўе!
П’е гаспадар,
і п’е нявольнік-госьць.
Плывуць застольлем шчырыя размовы,
людскія сэрцы сьвецяцца наскрозь.
 
I я тут п’ю зь вялікай насалодай.
П’ю давідна, да пеўнікаў,
да дня.
Ня з чаркі – з сэрца роднага народа,
пяюньня-мова,
п’ю цябе да дна.
 
 
 
 
Падабаецца     Не падабаецца
2009–2020. Беларусь, Менск.