РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Песьня
Па зімовай па дарожцы
          Мужычок брыдзе;
Дух займаецца ад ветру,
          Сьнег бадзе, бадзе.
 
Эй, ня гоне шчасных доля
          З-пад хатняй страхі
На такую непагоду,
          На холад такі!
 
Дол капаці на магілкі
          Бедачок сьпяшыць:
Дома страшную меў госьцю, –
          Нябожчык ляжыць.
 
Каля белай дамавіны
          Апошнюю дань
Дзеткі дараць і галосяць:
          «Мама, мама, ўстань!»
 
Пяць іх, бедных малалетак,
          Сірацінак пяць;
Хто ж замене ім матулю?
          Хто будзе хаваць?
 
Хто ад мачыхі іх будзе
          Бараніць благой?
Хто сіротак пажалее?
          Скажы, Божа мой.
 
[1906–1910]
 
 
 
 
Падабаецца     Не падабаецца Водгукі
2009–2019. Беларусь, Менск.