Сёньня аб сьцежках нялёгкай долі Гутару доўга з пажатым полем. Вецер чупрыну руні хвалюе, Нашай размовы ніхто ня чуе. Толькі бяроза часам сагнецца, Ў пажоўклым гольлі птах страпянецца. Хмара прыполам сонца прыкрые, Ў грудзёх мне сэрца мацьней заные. Роднае поле – сьвятасьць і дзіва, У набегі, у войны вечна радзіла, Ад грознай утомы не спачывала, З раненых нэтраў хлеб нам давала. Гутарка з рэчкай, гутарка зь ветрам, З плошчай бязьмернай, сонцам сагрэтай. Пасодзіш бульбу, расьце ўсё дбайна, Усё ў сваю пору, усё жыцьцядайна. Высахне ў сьпёку, прымерзьне у сьцюжу Дожджык упадзе, і ўсё будзе дужаць. Сарвецца вецер, вербы наклоніць I мне ад думаў астудзіць скроні. I нешта сэрцу майму падкажа, I зерне словаў ў барозны ляжа. Хоць прыйдзе сьпёка, мароз лютуе – Зярняты праўды зямля ўзгадуе!
|
|