РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Юлія Новік
Вершы
Кантэкстны тлумачальны слоўнік
Вочы
Навальнічныя сінія вочы!
З асалодай жыцьця ў глыбіні.
Нешта ў іх ёсьць ад ліпеньскай ночы
I ад травеньскіх цёплых крыніц.
 
Не згасае агонь на Купальле,
Цемру ён вышывае ў вачах.
Толькі глянеш – адразу расталі
Боль і гнеў, нават горыч і страх.
 
Нешта ў іх – ад паўночнага зьзяньня,
Зоркі-зьнічкі палаючы сьлед.
I маё ёсьць – адбітак каханьня...
Адны  вочы – і цэлы Сусьвет.
 
 
 
 
Падабаецца     Не падабаецца
2009–2020. Беларусь, Менск.