Чаго, бор мой, не шумён?..
|
З народнае песьні
|
Іду па зайцавых сьлядах. У вышыні гамоняць хвоі. I галаву мне хмеліць пах З халодным сьнегавым настоем. Заняты думаю сваёй, Бор, уздыхаеш, засмучоны. Чуваць, як аб галінкі хвой Сьняжынкі б’юцца зь мяккім звонам. Мне навяваеш сьветлы сум, Казычаш кволаю ігліцай. Табе і радасьць я нясу, Сьцяшаю горам падзяліцца. Дзесь рэха клікае тапор. Прайшоўся вецер бураломам. I дзе б ні быў я, – чую, бор, Твой бас прыглушаны, знаёмы...
|
|