РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
Ліст з дому
Бурты кладуцца, як барханы.
Лапатам не даём астыць.
Ды што за шум?..
Прыйшлі лісты,
Лісты ад родных, ад каханых.
 
I мне ж тут нешта быць павінна...
Матулін почырк пазнаю.
I піша пра бяду сваю,
Пра радасьць і пра ўсе навіны:
 
«Сусед наш справіў навасельле.
Ну а ў бары па верасу
Грыбоў – хоць закладай касу,
I ўжо арэхі палыселі...
 
Вугольле зь печы ўраньні скача,
Кот мыцца на вакне пачне, –
I верыцца, што ты ка мне
Пасьпееш на пірог гарачы».
 
Я сёмы раз, забыўшы стому,
Чытаю гэты ліст,
                                      нібы
Я на Ушаччыне пабыў,
Пагутарыў з усімі дома...
 
I зноўку зерне з-пад лапаты
Уверх ляціць ва ўсе бакі
I падае. (А так шпакі
На луг садзяцца там, за хатай...)
 
 
 
 
Падабаецца     Не падабаецца
2009–2020. Беларусь, Менск.