РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
Калаўроты
– Калаўроты! Калаўроты!
        Найадменьнейшай работы, –
Заклікае добры дзед.
        – Не знайсьці нідзе ім роўных
        Робяць з воўны шоўк чароўны...
Падыходзяць паглядзець.
 
        – Экспанат свой гэткі рэдкі
        У музэй ты здаў бы, дзедка, –
Кінуў жару жартаўнік.
Уздыхнулася бабулі –
Калаўрот яе расчуліў.
А натоўп раптоўна зьнік.
 
Толькі жэўжыкі наўкола –
Крутануць ім рупіць кола.
Дзед выкрыквае радзей:
        – Не знайсьці нідзе ім роўных
        Робяць з воўны шоўк чароўны.
Пакупнік ніяк ня йдзе...
 
        – Налятайце! Калаўроты!
        Налятаць няма ахвоты.
Разыходзіцца базар.
I стаяць, нібы сіроты,
Новенькія калаўроты.
        Позна, дзед, прывёз тавар...
 
 
 
 
Падабаецца     Не падабаецца
2009–2019. Беларусь, Менск.