 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
На лугу-мурагу
На зялёненькім
Ды пасе па расе
Хлопец коніка.
А лагчынай за дуброваю
Ішла дзяўчына чарнабровая.
Да вады ішла
Да крынічнае –
Не туды завяла
Сьцежка звычная.
Заблудзілася, запазьнілася.
Ногі ўсе ў расе –
Абрасілася.
У хлапца-малайца
Ды прасілася:
– Ты мяне ў тумане,
Дзеўку моладу,
Не трымай – месяц май
Яшчэ з холадам.
Ночка позная.
Маці грозная.
Маці злосная.
Сьцежка росная.
– Я расу абтрасу
Да расіначкі.
Я цябе, красу,
На руках панясу
Да хаціначкі.
– Мне дамоў пара...
А ўзыйшла зара.
Хутка раніца –
А юнак ніяк
Не расстанецца...
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
