РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Покуль сонца ўзыйдзе...
Покуль сонца ўзыйдзе,
Блудзіць цяжка ночай;
Той нас тут ня крыўдзе,
Хто толькі ня хоча.
 
Колькі поля, колькі
Ў тых, каму ня трэба!
А ў нас гэтак мала,
Што няма і хлеба.
 
Колькі лесу, колькі,
Дзе б вокам ні кінуў!
А мы нат ня маем
І на дамавіну.
 
*

 
Сьвеціць сонца, сьвеціць
Падчас і ў ваконца, –
Бядак за сьлязамі
Ня бача і сонца.
 
Ой, ліюцца сьлёзы
І ў дзяцей, і ў маткі...
Ня плачце, працуйце
На чынш і падаткі.
 
Ня плачце вы, дзеці,
Ня плач і матуля,
Ў бядзе вас пацешыць
Ці астрог, ці куля...
 
26.VII.1907.
 
 
 
 
Падабаецца     Не падабаецца
2009–2020. Беларусь, Менск.