РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Былі ў бацькі тры сыны...
Былі ў бацькі тры сыны,
Ды ўсе ж яны Васілі.
 
Адзін служыць у дварэ,
Поле панскае арэ;
 
Другі стражнікам зь іх стаў,
Куляй, шабляй засьвістаў;
 
Трэйці згінуў у баю
За свабоду і зямлю.
 
Бацька ў вёсцы сваёй сьпіць,
I дуда пры ім ляжыць;
 
Ён часамі дзьме ў яе,
Песьню нудную пяе:
 
Ой ты, дудка, ой, дуда!
Бяда жыці мне, бяда!
 
Не вяселіш ты мяне
Ў маёй беднай старане.
 
[1907]
 
 
 
 
Падабаецца     Не падабаецца Водгукі
2009–2018. Беларусь, Менск.