RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Natalla Arsieńnieva
Vieršy
Kantekstny tłumačalny słoŭnik
Vasilki
U žytoch raśćviłi, raśćviłi vasilki...
Na prastorach šyrokich, nia našych paloŭ,
miž maŭkłivych, zialonych jašče kałasoŭ,
na čužackaj ziamłi raśćviłi.
 
Raśćviłi, pa uzhorkach piasčanych biahuć...
A ŭnizie, pad haroj, zielaniejuć klany,
asypajucca jabłyny – ślozy viasny,
i ćvituć vasilki i ŭ łahu.
 
Kraski lubyja, pamiatki inšych pałos,
biełych dzičak na miežach, ściažynak-šlachoŭ,
kraski – pamiatki pieśni zvankich žaŭrukoŭ
pad pavietkaju sinich niabios...
 
Tam, u rodnych paloch, vy nia hetak ćviłi,
hetki sum nie imhłiŭsia u vašych vačoch,
hetak chutka vaš stan nie chinuŭsia, nia soch,
kraski rodnaj, dalokaj ziamłi!
 
24.XII.1924.
 
 
 
 
Padabajecca     Nie padabajecca
2009–2020. Biełaruś, Miensk.