Lahła viasiołka mastom trymcivym, mastom, satkanym z kaloraŭ kvołych, ad mokrych ściežak, ad rosnych nivaŭ u bor sasonny, sivy j viasioły. Krasoju čystaj ty ciešyš vočy, krasoj niastałaju, jak dola... Čaho ž pryjšła ty, čaho ty chočaš, čaho ŭzrunieła, viasiełka, ŭ połi? Paciešyć chočaš niazvyčnaj kazkaj, uźniać ź nizinaŭ u vyšu voka? Haryć viasiołka nianaskaj kraskaj, mastom trymcivym lahła vysoka. Mastom tym zdani da nas zychodziać z padniebnaj vyšy, ź niaznanych dalaŭ, viaśnianym čaram nas nadziać, zvodziać, kałyšuć śpieŭnym napievam chvalaŭ... Z krainy dziŭnaj many j nadziei i sny spłyvajuć pa im, niajnačaj. Ščaśłivy ž toj, chto śnić umieje, ščaśłivy toj, chto ich pabačyć!
1933, Chełmna.
|
|