RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Zamaŭčycie dumy...
Jak dubrovaŭ šumy
Ŭzimku dy ŭ marozy, –
Zamaŭčycie, dumy,
Nie navodźcie ślozaŭ.
 
Choć tak horka žyci –
Rečkaj hora ljecca, –
Kiń, serca, tužyci,
Nad čym śviet śmiajecca.
 
Nie ŭsłuchajsia, serca,
Nie ŭzirajcieś, vočy,
Što u paniaviercy
Dać žyćcio zachoča.
 
Niapraŭdaj viałikaj,
Duša, nie smucisia, –
Za ahulnym hikam,
Choć i strašna, prysia.
 
Sercam k sercu pyłka
Rynieš, niebaraka,
Dyj ciarpi – pamyłka, –
Tam lod ci vužaka.
 
Oj, choć tak baleśnie,
Harotnik, krapisia,
K kancu z dumkaj-pieśniaj,
Jak ptuška, nia rvisia.
 
Zamre žžalu hołas,
Vorah pabje krylle,
Budzieš, jak toj kołas
Pasiarod badylaŭ.
 
Kołas złomić bura,
Ź ziamloju źmiašaje,
Tabie žyćcio zbura
Nianaviść ludskaja.
 
Dyk zamrycie, dumy,
Serca nie trucicie,
Kudy vietraŭ šumy –
Tudy ŭ dal lacicie.
 
A dalej ad śvietu,
Ad ludziej najdalej,
I niasicie hetu
Pieśniu majho žalu.
 
Tam choć viecier, moža,
Što hulaje ŭ połi,
Vas nie patryvoža,
Pojmie maju dolu.
 
1907
 
 
 
 
Padabajecca     Nie padabajecca
2009–2020. Biełaruś, Miensk.