RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Natalla Arsieńnieva
Vieršy
Kantekstny tłumačalny słoŭnik
Choć usiudy ruiny
Padydu nieznarok da vakna,
hlanu –
                ŭsiudy ruiny, ruiny...
Dzień asieńni z chmuryn cierušyć
dakučłivaj sivoju kastroj...
Što rabić,
kab zabycca vajny na małuju, małuju chviłinu,
zmusić śvietłyja kazki pisać
pasłuchmianaje ŭčora piaro?
Chiba dosyć i žachu j tuhi,
dosyć słacca pad nohi kabiercam,
zamiatać vałasami ziamlu,
sypać ślozy – rabinavy ćviet.
U hrudzioch maješ tolki adno
niespakojnaje, ludskaje serca,
za ŭvieś śviet,
za ŭsich čysta,
za ŭsio –
                  nie napłačacca navat paet!
Pačakaj...
pierakocicca hrom,
prapłyvie navalnica rakoju,
prałijecca krapłistym daždžom,
zmyje z čornaj, kryvavaj ziamłi,
z čałaviečaj dušy spałaśnie
ŭsio małoje, błahoje, dzikoje,
zakałyša, utułić, spaŭje
ŭsio, što smucić, tryvožyć, bałić...
Pjana soncam upjucca sady,
zamiacielacca śnieham ružovym,
uračysta,
ŭładarna, jak hrom,
zahrymiać i zahrajuć bary.
Śviatkavać budziem novyja dni
zvonkaj pieśniaj i radasnym słovam,
na šyrokich, šyrokich paloch
                                                            budziem
                                                                            novaje ščaście sparyć.
Nabłižajucca jasnyja dni z kažnaj šeraj,
ciažkoju hadzinaj,
z kažnym recham hrymotnych harmat,
z kažnym krokam kryvavych padziej.
Kinu ž,
                rynu na viecier tuhu,
choć usiudy ruiny, ruiny
i kastroju sivoj cierušyć
abyjakavy
                      vosieński dzień...
 
1941, Miensk.
 
 
 
 
Padabajecca     Nie padabajecca
2009–2020. Biełaruś, Miensk.